الرئيسية في الواجهة بلادي بلاد الصحرا قصيدة للزجالة شيماء جعدي

بلادي بلاد الصحرا قصيدة للزجالة شيماء جعدي

كتبه كتب في 14 يونيو 2015 - 9:56 م
مشاركة

الزجالة المغربية – شيماء جعدي
بلادي بلادي بلاد الصحرا
بلاد الناقة و التمرة
بلاد النخلة و اتاي عالجمرة
بلاد النخوة و الحكمة فالهدرة
قالو لي نوصفك قلت كلامي ما كافي
نعيا نوصف يطيح الظلام و مانسالي
ناسها الوجه المبشور و القلب االصافي
جلت مدون حتى طاحو كتافي
ما لقيت بحال نسيم هواها لمرضي يشافي
هدا حق و الله عالم بالخافي
رمالها صفرا صافية دهبية
الشوفة فيها تفاجي همومي لي بيا
و الجلسة مع حبابها كل عشية
تحت قمرة زاهية و علينا مضوية
بلادي بلاد الكرام و الاصالة العربية
بلاد جميلة و سياحية
و الزايرها عمرها ما تكون ليه منسية
علا شكون ينسى خيمة الصوف
و الدقة الخفيفة عالدفوف
و الضحك و الرشق عالكفوف
و كلام المعاني غي سكت و شوف
نعشقك يا صحرا و فيك دقيت و تادي
وتاد الصح فيه يعيشو ولادي
نعيش حياتي انا ليك بالغالي فادي
و يوم نموت رمالك تكون سريري و سنادي

تعليقات الزوار ( 7 )

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *