الرئيسية ثقافة وفنون “القطبيين قطعة من قلبي” قصيدة زجلية للأستاذ رشيد عبيشي.

“القطبيين قطعة من قلبي” قصيدة زجلية للأستاذ رشيد عبيشي.

كتبه كتب في 14 أكتوبر 2021 - 4:42 م
مشاركة

رشيد اعبيشي

يا الرايح للقطبيين،كول باليدين ورجلين…القطبي إلا عطاه ربي مايضرك مايخبي..نية وحدة والدموع في العين،الكبدة رهيفة والقلب حنين…سيدي محمد الشريف،الدومة والقلب رهيف…مشيتي لولاد غانم طلب التسليم ترجع سالم…بلاد الرجلة وبلاد النعايم.الخير موجود والرزق دايم…مشيتي لأيت علي لحسن تطلب الما يعطيوك اللبن… أولاد الحاج التهامي نصهم خوالي ونصهم عمامي…ايت قسو الشيطان قطعوا ليه حسو…وايت بناصر ممنوع لكلام الخاسر… وسيدي بوخلخال،الطايبة ديالك ولي طاحت في الأرض حلال… بلاد العلوة والنخوة،فيها يتبدل للهوى ،طايب ولا خضر،غير لي فيه لغدر يتزوا،بلاد الدخان والشوا…والله يرحم مي العونية وحدة لك وحدة ليا،كيلو باكور يعمر بستيلية…سيد العربي الكماص مول البحيرة ولا عساس،ضربة في الأرض ضربة في الراس،َولي جا زاير يدير لاباس…بلاد الدوالي والبحاير باش جاي باش داير،بلاد القصاير وتعمار الشكاير…القطبي قالوا عليه هبيل، يخدم بنهار ويخسر بالليل،واخا في الجلسة هضار وفي الدرسة الذراع طويل…بلاد الخير والدوالي،غرسوها حفايد القايد الجيلالي،التراب كان مشروك كيف ديالك كيف ديالي…الله يطول عمر عمي الخياطي ويرحم عمي عاشير يحسبو الغلة قبل ماتطيح في السلة بلا سبورة بلا طباشير…

تعليقات الزوار ( 0 )

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الجريدة الإلكترونية تيفلت بريس Tifeltpress.com المؤسسة الصحفية: TIF PRESS شهادة إيداع مسلمة من النيابة العامة بالمحكمة الابتدائية بالخميسات تحت رقم 01/2018 طبقا لقانون الصحافة والنشر 88.13 tifeltpress@gmali.com الشركة المستضيفة : heberfacile