الرئيسية ثقافة وفنون قصيدة زجلية إهداء إلى ناس مزورفة من الأستاذ رشيد اعبيشي

قصيدة زجلية إهداء إلى ناس مزورفة من الأستاذ رشيد اعبيشي

كتبه كتب في 23 أكتوبر 2021 - 1:42 م
مشاركة
رشيد اعبيشي
مزورفة العلم والحروفة،لبلاد طروفة ولخيام صفوفة،سلهام الشيخ وافي ورزة القاضي ملفوفة…بنت التيجاني لابسة الحايك والعزبات مغطيات باللحوفة…مزورفة شرفا، وجنة بألف غرفة وبالحلفة معروفة…علام النبي في طرف اللسان دقة في الصدر والردان بالدفوفة…جدودهم درقاوة وتيجان تابعين طريق الكوفة…هواهم الحلوفي والكبيحي وغزيل الصوفة… والله يرحمك احسن العطار الدزة في الميزان والدقة عبار…عبرة من القمح تولي قنطار، وسيد العربي البوهالي هو مول الدار… بلاد مقام الطلبة والقرأن ولي فيه الحال يبان…درقاوة خاوة، والزاوية تحد لعداوة وساحتها كلها بيبان…زهانة النية والحنانة، الديوث يعاودو لو لختانة هو لابس ويبان عريان…طلب التسليم وسبق الميم،ويديك ربي عند مزورفة جيعان…لمزورفية جلابة صوفية، تغنيك وتعطيك السمية…بوها سبع مربع محزم بقراب وكمية…مافيه غش مافيه خدع،مايخلعو زمان ما تغلبو حمية…يذكر الله، ومايعبد إلا سواه والعادة غير بلية…غني ولا فقير ،كيف الكبير كيف الصغير،ذاكرين الله وناكرين الدنيا…ولاد الزاوية، و الكروش الخاوية والقلوب للخير ناوية…يعلموك شرع الله ويعلموك الهمزية بالحروف مساوية…بلاد القايد البشير،بلاد الخير ولخمير…بلاد الهيت والتشامير…الصغير فيهم يفكر في الغير…المزورفي زعيم وحكيم،فيه حق البراني وليتيم…في العشرة حميم وفي الجلسة خصيم…هو فاهم وتحسبو غشيم…الله يرحم الشيخ بنعاشير،الخيمة كبيرة،ووتادها عروق وخميرتها قمح وشعير…الله يرحم الحاج عاشور، عشاه صحور وغداه فطور…الله يرحمك الحاج بنعيسى،كنتي شان وكنتي ركيزة، والدنيا شحال ماسوات رخيصة… المزورفي عنايتو في راسو،ماشي من لباسو تعرف قياسو، وعندو النفس عزيزة…وكل زمان وناسو وهاد الزمان ربي يحد باسو، وعمر ولاد مزورفة مايرخاصو، وفلوس اللبان يديهم، زعطوط،وقمح الرهوط قبح من كسكاس الخبيزة…
رشيد اعبيشي

تعليقات الزوار ( 0 )

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الجريدة الإلكترونية تيفلت بريس Tifeltpress.com المؤسسة الصحفية: TIF PRESS شهادة إيداع مسلمة من النيابة العامة بالمحكمة الابتدائية بالخميسات تحت رقم 01/2018 طبقا لقانون الصحافة والنشر 88.13 tifeltpress@gmali.com الشركة المستضيفة : heberfacile