الرئيسية في الواجهة إفتخر أنت زموري.. قصيدة زجلية للأستاذ رشيد أعبيشي.

إفتخر أنت زموري.. قصيدة زجلية للأستاذ رشيد أعبيشي.

كتبه كتب في 22 فبراير 2021 - 11:53 ص
مشاركة

بقلم الاستاذ رشيد أعبيشي

زمور قبايل وفخدات تطلب ضيف الله فينما راح الليل تبات…دزتي لأيت بلقاسم.الخيل والمواسم.الوشام والوجه مبتسم…الله يحجبك ياعيشة مومكتار حسبنا راجل وحنا صغار…ومن تما تفرقت المراسم ومد زرع يولي قنطار…أيت بوحيا الاصل والحيا هما مالين لبلاد،تما تبنات الخيمة ودقوا لوتاد…وحطو النصارى العتاد والحديد،باش يرسلوا السلاح بعيد…دزتي لأيت واحي والحجامة هما مالين اللامة…سيد اليماني الخير في الصواني فيه حق ليتيم والبراني…من الاربعاء لخميس لعزري يولي عريس…ناس الماريد العادات والتقاليد،الضيف عندهم عيد…يرحبوا به بالريحة والزغاريد…لي تخلع يديه لسيد السبع،لي فيه لخدع من الهراوة ما يمنع…دزت لمزورفة،العلم والحروفة،لبلاد طروفة ولخيام صفوفة،الحلوفي والكبيحي وغزيل الصوفة..،والله يرحمك أحسن العطار الدزة في الميزان والدقة عبار..هذاك مقام الطلبة والقرٱن ولي فيه الحال يبان…مشيتي لقطبيين،كل باليدين ورجلين…القطبي إلا عطاه ربي مايضرك مايخبي..نية وحدة والدموع في العين،الكبدة رهيفة والقلب حنين…سيدي محمد الشريف،الدومة والقلب رهيف…مشيتي لولاد غانم طلب التسليم ترجع سالم…بلاد الرجلة وبلاد النعايم.الخير موجود والرزق دايم…مشيتي لأيت علي لحسن تطلب الما يعطيوك لبن…مشيتي لخزازنة تاكل فابور وتشري معاينة..تما الرجلة كاينة ولهراوة النفوس الخاينة…
رشيد أعبيشي

تعليقات الزوار ( 0 )

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الجريدة الإلكترونية تيفلت بريس Tifeltpress.com المؤسسة الصحفية: TIF PRESS شهادة إيداع مسلمة من النيابة العامة بالمحكمة الابتدائية بالخميسات تحت رقم 01/2018 طبقا لقانون الصحافة والنشر 88.13 tifeltpress@gmali.com الشركة المستضيفة : heberfacile