الرئيسية في الواجهة قصيدة زجلية للأستاذ رشيد أبيشي حول الخلاف المغربي الإسباني.

قصيدة زجلية للأستاذ رشيد أبيشي حول الخلاف المغربي الإسباني.

كتبه كتب في 16 يونيو 2021 - 7:36 م
مشاركة

بقلم رشيد أبيشي

فرح قلبي مني تحلوا لحدود،المغرب أرض بلادي والجدود،لي زارها لا بد يعود،عودة بلا رجعة…راية بلادي عليها كلا جدي لعمود،العين تذرف والراية ترفرف والنجمة بألف شمعة…الصبليون ،والرايس تبون زاغوا وتعداو الحدود،وعلى الغرب طيحوا دمعة…يتخابروا على بلادي في الغياب، سعروا وخرجوا النياب، وكلابهم يشوهوا في السمعة…بلاد سبعة رجال وابن بطوطة الرحال،يوسف بن تاشفين،الكتبية والصمعة… بلادي راوية دم ولي عاداها غادي يندم،ونطهروه في القصعة…الصبليون جنس قصيف،لي تهزم في جبال الريف،يعرف الخطابي في البرج والقلعة…حمو الزياني وماء العينين،جامعة القروين،السلكة تخرج في الحين و المذاهب بربعة…طمعتوا في المعادن ونسيتو واد المخازن،معركة الملوك الثلات،فيها الأجساد تمزقات حينت المغاربة زايدين ضلعة…ولاد سيباستان غير فيران دابزوا على خميرة الجيران،القوي فيهم جبان غير داو الشنعة…المغرب في بلادو،وفي أرضو وأرض جدادو،واش هبلوا هادو ومال الصبليون بورقعة..المغرب عندو سيادو،سولوا جنان السبيل ومامادو،بلادي بلاد الخير والشبعة…فين مامشيتي تلقاو ولادو،عطاو لبلادهم كاع ماخادوا يا القرع يابوصلعة… اللهم زيد في حسادوا،واخا يحقدوا عمرنا نتقادوا،المغرب غادي طلعة…
من أجل المغرب 🇲🇦بارطاجي ✌️💪
رشيد أعبيشي

تعليقات الزوار ( 0 )

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

الجريدة الإلكترونية تيفلت بريس Tifeltpress.com المؤسسة الصحفية: TIF PRESS شهادة إيداع مسلمة من النيابة العامة بالمحكمة الابتدائية بالخميسات تحت رقم 01/2018 طبقا لقانون الصحافة والنشر 88.13 tifeltpress@gmali.com الشركة المستضيفة : heberfacile